بە پێی ڕاپۆرتی ناوەندی مافی مرۆڤی “نا بە زیندان-نا بە ئێعدام حوکمی ئێعدامی سێ بەندکراو لە زیندانەکانی بابۆل و ورمێ بە کردەوە دەرهات.
بەرەبەیانی ڕۆژی پێنجشەممە 19ی مانگی خاکەلێوە حوکمی ئێعدامی دوبەندکراو لە زیندانی بابۆل پاش 7 ساڵ زیندان بە کردەوە دەرهات. هەروەها بەرەبەیانی ڕۆژی شەممە 21ی مانگی خاکەلێوەش بەندکراوێکی دیکە، لە زیندانی ورمێ حوکمی ئێعدامی بە کردەوە دەرهات. شایانی باسە لە سەرەتای ساڵی 1400وە زیاد لە 12 کەس لە زیندانەکانی ڕژیم ئێعدام کراون.