ڕۆژی سێشه‌ممه‌ ١٨ی مانگی گه‌لاوێژ، به‌هۆی پێكدادانی دوو ئۆتۆمبێل له‌ سه‌ر ڕێگای سه‌قز– بۆكان، دوو كه‌س گیانیان له‌ده‌ستدا و سێ كه‌سی دیكه‌ش برینداربوون، له‌ ڕووداوێكی دیكه‌دا له‌ جاده‌ی سنه– كامیاران‌، دوو ئۆتۆمبێل پێكاندا و له‌ئاكامدا پێنج كه‌س به‌سه‌ختی برینداربوون.

به‌پێی ڕاپۆرته‌كان، به‌هۆی پێكدادانی تاكسییه‌ك له‌گه‌ڵ بارهه‌ڵگرێك له‌ نزیك گوندی “قاراوه‌” له‌ سه‌ر ڕێگای بۆكان– سه‌قز، دوو كه‌س گیانیان له‌ده‌ستدا و سێ كه‌سی دیكه‌ش برینداربوون. له‌لایه‌كی دیكه‌وه‌ له‌ سه‌ر ڕێگای سنه‌– كامیاران، دوو ئۆتۆمبێلی سه‌واری شاخ به‌شاخ بوون و به‌هۆیه‌وه‌ پێنج سه‌رنشینی هه‌ر دوو ئۆتۆمبێله‌كه‌ به‌سه‌ختی برینداربوون كه‌ باری ته‌ندرووستی به‌شێكیان ناجێگیره‌.

نوشته گیان له‌ده‌ستدان و برینداربوونی 10 كه‌س له‌ دوو ڕووداوی هاتووچۆدا اولین بار در کۆمەڵە_رێكخراوی كوردستانی حیزبی كۆمونیستی ئیران. پدیدار شد.

ڕۆژی سێشه‌ممه‌ ٣ی مانگی جۆزه‌ردان، له‌ ئاكامی ته‌قه‌كردنی هاووڵاتییه‌كی ته‌مه‌ن ١٨ ساڵ له‌ خوێندنگه‌یه‌كی یه‌كێك له‌ شاره‌كانی ئیاله‌تی تگزاس ١٩ خوێندكار و دوو موعه‌لیم كوژراون.

ته‌قه‌كردن له‌ مه‌دره‌سه‌كانی سه‌ره‌تایی كه‌ ته‌مه‌نی خوێندكارانی له‌ پێنج بۆ ١١ ساڵ زیاتر تێپه‌ڕ ناكات زۆر به‌كه‌می له‌و وڵاته‌دا ڕوویداوه‌ و هێرشی ڕۆژی سێشه‌ممه‌ به‌هۆی چوونه‌سه‌ره‌وه‌ی ئاماری تاوان و به‌كارهێنانی چه‌ك له‌ ئه‌مریكادا ڕوویداوه‌. له‌م پێوه‌نده‌دا فه‌رمانداری تگزاس به‌بێ ئاماژه‌دان به‌ هۆكاری ئه‌نجامدانی ئه‌و تاوانه‌ ڕایگه‌یاندووه‌، كه‌سی بكوژ هه‌ڵگری چه‌كی گه‌رم بووه‌ و له‌ ئاكامی تێكه‌ڵچوون له‌گه‌ڵ هێزه‌كانی پۆلیسی ئه‌و شاره‌دا گیانی له‌ده‌ستداوه‌. جێگای ئاماژه‌یه‌ له‌ ماوه‌ی چه‌ند ڕۆژی ڕابردوودا ئه‌مه‌ چه‌نده‌مین حاڵه‌تی ته‌قه‌كردنی له‌و جۆره‌یه‌ كه‌ له‌و وڵاته‌دا ڕوویداوه‌ و له‌ یه‌كێك له‌ حاڵه‌ته‌كانی دیكه‌دا كه‌ له‌ شیكاگۆ ڕوویدابوو دوو هاووڵاتیی گیانیان له‌ده‌ستدا و ٧ی دیكه‌ش به‌سه‌ختی بریندار بوون و له‌ ڕووداوێكی دیكه‌دا له‌ شاری بوفالو له‌ ئیاله‌تی نیویورك ڕوویدابوو ١٠ كه‌س كوژران و به‌ده‌یان كه‌سی دیكه‌ش برینداربوون.

نوشته ڕووداوی ته‌قه‌كردن له‌ خوێندنگه‌یه‌كی ئیاله‌تی تگزاس اولین بار در کۆمەڵە_رێكخراوی كوردستانی حیزبی كۆمونیستی ئیران. پدیدار شد.