به‌پێی هه‌واڵی گه‌یشتوو به‌ تۆڕی میدیایی كۆمه‌ڵه‌، دانیشتووانی شاری كامیاران به‌ده‌ست كه‌می ئیمكانات له‌ نه‌خۆشخانه‌ی “سینا“ی ئه‌و شاره‌ ناڕازین و ده‌ڵێن: بۆ هه‌ر ١٢٧٠ كه‌س یه‌ك ته‌خت هه‌یه‌ و به‌هۆی كه‌می دكتۆری بسپۆڕ به‌ویلچێر نه‌خۆشه‌كان به‌نێو شه‌قامه‌كانی شاردا بۆ ده‌رمانگه‌ تایبه‌ته‌كان ده‌گوازێننه‌وه‌.

به‌پێی  ڕاپۆرته‌كان، نه‌خۆشخانه‌ی “سینا“ی كامیاران ٣٠ ساڵ له‌ ته‌مه‌نی تێپه‌ڕ ده‌بێت، به‌ڵام ڕژیمی سه‌ركوتگه‌ری كۆماری ئیسلامی هیچ ئیمكاناتێكی بۆی دابین نه‌كردووه‌ و دانیشتووانی ئه‌و شاره‌ بۆ چاره‌سه‌ركردنی نه‌خۆشه‌كانیان ناچارن سه‌ردانی شاره‌كانی كرماشان و سنه‌ بكه‌ن. به‌پێی زانیارییه‌كان، نه‌خۆشخانه‌ی كامیاران ته‌نیا ٨١ ته‌ختی سالمی بۆ نه‌خۆش هه‌یه‌ له‌حاڵێكدا به‌پێی ستانداردی جیهانی بۆ هه‌ر ١٠٠٠ كه‌س ئه‌بێ ٢٠٠ ته‌ختی به‌سته‌ری له‌ نه‌خۆشخانه‌كاندا بوونی هه‌بێت. هه‌روه‌ها نه‌بوونی ئیمكاناتی ده‌رمانی بۆ زۆرێك له‌ نه‌خۆشییه‌كان و نه‌بوونی ده‌رمانی پێویست خه‌ڵكی ئه‌و شاره‌ی ماندوو كردووه‌.

نوشته ناڕه‌زایه‌تی دانیشتووانی شاری كامیاران له‌ئاست دۆخی خراپی نه‌خۆشخانه‌ی ئه‌و شاره‌ اولین بار در کۆمەڵە_رێكخراوی كوردستانی حیزبی كۆمونیستی ئیران. پدیدار شد.

ڕۆژی دووشه‌ممه‌ ٢٤ی مانگی گه‌لاوێژ، ڕێكخراوی بێهداشت و ده‌رمانی ئوستانی كوردستان ڕایگه‌یاند: به‌هۆی چوونه‌سه‌ره‌وه‌ی ڕێژی تووشبووانی كۆرۆنا، شاره‌كانی سنه‌ و كامیاران له‌ دۆخی پڕمه‌ترسیداردا جێیانگرتووه‌.

به‌ پێی ڕاپۆرته‌كان، شاره‌كانی سنه‌ و كامیاران له‌دۆخی سوور، بیجاڕ و سه‌قز له‌ دۆخی نارنجی، بانه‌، دیولان، سه‌وڵاوا، قۆروه‌ و مه‌ریوان له‌ دۆخی زه‌رددان. ڕێكخراوی بێهداشت و ده‌رمانی ئوستانی كوردستان له‌ ڕاگه‌یه‌ندراوێكدا داوای له‌ هاووڵاتییان كرد ڕێكاره‌كانی پێشگیری بگرنه‌به‌ر و ئاگاداری ته‌ندرووستی خۆیان و بنه‌ماڵه‌كانیان بن.

نوشته هۆشداری دۆخی سووری كۆڕۆنایی له‌شاره‌كانی سنه‌ و كامیاران اولین بار در کۆمەڵە_رێكخراوی كوردستانی حیزبی كۆمونیستی ئیران. پدیدار شد.

به‌ پێی ڕاپۆرته‌كان، دوو هاووڵاتیی کوردی خەڵکی ورمێ و کامیاران کە لەلایەن دادگای ڕژیمه‌وه‌ حوکمی بەندکرانیان بە سەردا سەپابوو، دەستبەسەر کران.
به‌ پێی ئه‌م ڕاپۆرته‌، “محەممەد خاتری” خەڵکی شاری کامیاران کە پێشتر حوکمی ٩ مانگ بەندکرانی بە سەردا سەپابوو، دەستبەسەر و بە مەبەستی تێپەڕاندنی ماوەی حوکمەکەی ڕەوانەی زیندانی ئه‌مشاره‌ کرا. ناوبراو له‌ مانگی گەلاوێژی ئەمساڵ لە گوندی “شاهینی” سه‌ر به‌مشاره‌ دەستبه‌سەر و دوای دوو مانگ ڕاگیران لە ئیدارەی ئیتلاعاتی سنە بە قه‌راری وه‌سێقه‌ی ٣٠٠ میلیۆن تمەنی و بە شێوەی کاتی ئازاد کرابوو. لەلایەکی دیکەوە، “کەیوان موکەڕەمی”، هاووڵاتیی خەڵکی شاری ورمێ بە مەبەستی تێپەڕاندنی ماوەی حوکمی یەک ساڵ زیندان دەستبەسەر و بۆ زیندانی ناوەندیی ئه‌مشاره‌ گوازراوەتەوە. ناوبراو به‌ تۆمه‌تی “پڕووپاگەندە دژی نیزام” لە رێگای هاوکاری له‌گه‌ڵ یه‌كێك له‌ حیزبە نه‌یاره‌كانی دژ به‌ ڕژیم، حوکمی یەک ساڵ بەندکرانی بەسەردا سەپابوو.

نوشته ده‌ستبه‌سه‌ر كردنی دوو هاووڵاتیی له‌ شاره‌كانی ورمێ و كامیاران اولین بار در کۆمەڵە_رێكخراوی كوردستانی حیزبی كۆمونیستی ئیران. پدیدار شد.