بە پێی ڕاپۆرتەکان، هاووڵاتییەک خەڵکی شاری بۆکان سەرەاری تێپەربوونی 20 رۆژ دەستبەسەرکرانی، هێشتا چارەنووسی نادیارە.
ئەو هاووڵاتییە بە ناوی “محەممەد موعین پوور” رێککەوتی 25ی گەلاوێژ، لە لایەن هێزەکانی ئیتلاعاتی سپای پاسداران دەستبەسەر و رەوانەی زیندانی ناوەندی شاری بۆکان کرا و سەرەرای تێپەربوونی 20 رۆژ هێشتا دۆخی قەزایی ئەو کەسە نادیارە. سەرچاوە ئاگادارەکان ئاماژەیان بەوە کردووە کە ناوبراو لە ماوەی دەستبەسەر کرانیدا لە لایەن بەرپرسانی زیندانەوە لە ژێر ئەشکەنجەی توندو گۆشاری دەروونیدا بووە. شایانی باسە کە ناوبراو لە دادگادا رووبەرووی تۆمەتی “تەبلێغ دژ بە ڕژیم و کڕین و فروشتنی چەک” بووە و لە مافی دەستڕاگەیشتن بە پارێزەری سەربەخۆ بێبەش کراوە.