بە پێی دوایین ڕاپۆرتەکان ناوەندی هاوبەشی زانیارییە دەریاییەکان، لە ماوەی تەنیا ٧٢ کاتژمێردا، سێ کەشتی بازەرگانی لە لایەن کۆماری ئیسلامییەوە بە ئامانج گیراون.
بەپێی دوایین زانیارییەکان، لە ڕۆژانی ١٤ و ١٥ی ئاگۆستدا، سەرەتا دوو کەشتی بازەرگانی لە کاتی دەرچوون لە گەرووی هورموزەوە بە چەندین موشەک و پەهپادی ئینتحاری بە ئامانج گیراون و زیانیان بەر کەوتووە. هەروەها کەشتییەکی دیکەش کاتی تێپەڕبوونی لە گەرووی هورموز لە لایەنەکی نەناسراوەوە بە ئامانج گیراوە و زیانێکی کەمی بەرکەوتووە. لە درێژەی ڕاپۆرتەکاندا ئاماژە بەوە کراوە کە لەم ڕووداوانەدا زیانی گیانی بەر پێرسۆنێلی کەشتییەکان نەکەوتووە و لە سەلامەتیدان.