لە ڕۆژانی ڕابردوودا، ژمارەیەک لە سێناتۆرانی ئەمریکا ناڕەزایەتی خۆیان دژ بە یاداشتنامەی لێکتێگەیشتنی نێوان واشینگتۆن و کۆماری ئیسلامی دەربڕی و هوشداریان لە دەرئەنجامەکانی ئەو ڕێککەوتنە دا.
“جان توون” سەرۆکی زۆرینەی مەجلیسی سێنا ڕایگەیاندووە کە ئەو ڕێککەوتنە تەنها چوارچێوەیەکی سەرەتاییە و نابێت وەک ڕێککەوتنێکی تەواو سەیر بکرێت. هەروەها “تێد کروز” بە توندی ڕەخنەی لە دەقی یادداشتنامەکە گرتووە و ئاماژەی بەوە کردووە کە پێدانی پارە و پۆینی ئابووری بە کۆماری ئیسلامی دەتوانێت لە داهاتوودا ببێتە هۆی زیادبوونی هەڕەشەکان. هاوکات “بێڵ کاسیدی” سێناتۆری لویزیانا ڕایگەیاندووە کە ئێران لەم قۆناغەدا فێر بووە کە گەرووی هورموز دەتوانێت وەک ئامرازێکی گوشار بەکاربهێنێت و ئەوەش لە داهاتوودا کاریگەری لەسەر ئاسایشی وزەی جیهان دەبێت.