بەپێی دوایین هەواڵەکان، “یسرائیل کاتز” وەزیری بەرگریی ئیسرائیل ڕایگەیاند کە هێزەکانی ئەو وڵاتە لە ناوچەکانی ژێر دەسەڵاتیان لە سووریا، غەززە و لوبنان پاشەکشە ناکەن.
بەپێی هەواڵەکان، کاتز لە وتەکانیدا ئاماژەی بەوە کردووە کە هێزەکانی ئیسرائیل لەو ناوچانەدا دەمێننەوە و ڕێگە نادەن هیچ هێز یان لایەنێک هەڕەشە لەسەر ئاسایشی ئیسرائیل دروست بکات. ئەو هەروەها پشتگیری خۆی لە بەردەوامبوونی ئامادەبوونی سەربازی لەو ناوچانە دەربڕیوە.