بەپێی هەواڵەکان، ئیسرائیل ڕایگەیاندووە فەرماندەی نوێی بەشی سەربازیی حەماس لە هێرشێکی ئاسمانی لە غەززە کوژراوە.
بە وتەی سەرچاوەکان، “محمد عودة” کە دوای کوژرانی فەرماندەی پێشووی گوردانەکانی عیزەدین قەسام، ئەو ئەرکەی پێ سپێردراوبوو، لەو هێرشەدا بە ئامانج گیراوە. هەروەها ئیسرائیل دەڵێت ناوبراو یەکێک بووە لە ئەندامانی پلاندانانی هێرشەکانی ٧ی ئۆکتۆبەر.
لە هەمان کاتدا، هێرش و ئاڵۆزییە سەربازییەکان لەنێوان ئیسرائیل و حیزبوڵڵا لە سنووری لوبنان بەردەوامن و هەردوو لایەن هێرشی مووشەکی و فرۆکەی بێفڕۆکەوانیان زیاد کردووە. شارەزایان هۆشداری دەدەن کە بەردەوامبوونی ئەم دۆخە دەتوانێت مەترسیی فراوانبوونی شەڕ لە ناوچەکەدا زیاد بکات.