ڕۆژی شەممە ۲ی جۆزەردانی ۱۴۰۵ی هەتاوی، کۆمەڵێک لە نانەواکانی شاری کرماشان دژ بە کەمیی نرخی نان، گرانبوونی نرخی ئارد و تێچووی بەرهەمهێنان، لە بەردەم بینای ئوستانداری ئەو شارە کۆبوونەوە.
نانەواکان لەو کۆبوونەوە ناڕەزایەتییەدا داوای چاوپێداخشاندنەوە بە نرخی نان و دابینکردنی پاڵپشتیی حکومییان کردووە. بەگوێرەی هەواڵەکان، بەشێک لە بەشداربووان ئاماژەیان بەوە کردووە کە بەرزبوونەوەی نرخەکانی ئارد، کارەبا، کرێ و ماددەی سەرەتایی، کاریگەرییەکی قورسی لەسەر دۆخی دارایییان داناوە و بەردەوامبوونی ئەو بارودۆخە، کارکردنی نانەواخانەکان ئاستەنگ دەکات.