ڕۆژی ڕابردوو، کۆمەڵێک لە ئێرانیانی ئازادیخوازی دانیشتووی شاری فرانکفۆرتی ئاڵمان، لە چەندەمین حەفتەدا ئاکسیۆنی “شەممەکانی ناڕەزایەتی، نا بۆ سێدارە و نا بۆ کۆماری ئیسلامی” یان بەڕێوەبرد.
بەپێی ئەو وێنانەی کە بە دسەتی ناوەندی هەواڵی کۆمەڵە گەیشتوون، بەشداربووانی ئاکسیۆنەکە بە وتنەوەی درووشم دژ بە دەسەڵاتی جەنایەتکاری کۆماری ئیسلامی و هەروەها بەرزکردنەوەی پلاکاردی نا بۆ سێدارە و مەگ و نەمان بۆ کۆماری ئیسلامی، خوازیاری هەڵوەشاندنەوەی حوکمی سێدارەی هەمووی بەندکراوان لە ئێران، ئازادی دەستبەجێی هەموو زیندانیانی سیاسی و ئەقیدەتی و هەروەها سزادانی تاوانبارانی دژ بە خەڵک بوون. هەروەها هاووڵاتیانی بەشداربووی کۆبوونەوەکە جەختیان لە سەر ئەوە کردەوە کە تا کاتی وەدیهاتنی داخوازییەکانیان درێژە بە چالاکییەکانیان دەدەن و داوایان لە کۆمەڵگای نێودەوڵەتی کرد کە دژ بە جەنایەتەکانی بەرپرسانی ڕژیمی کۆماری ئیسلامی هەڵوێتستێکی توندتریان هەبێت.