ڕۆژی ڕابردوو، “شلێر مام قادری” شارومەندی تەمەن ٣٤ ساڵ و خەڵکی شاری مەهاباد، لە نەخۆشخانەوە بە بێ کۆتایی هاتنی ڕەوەندی دەرمانەکەی، بۆ زیندانی ناوەندی شاری ورمێ ڕاگوێزراوەتەوە.
ناوبراو بۆ ماوەی زیاتر لە ٤٢ ڕۆژە لە لایەن هێزە ئەمنیەکانی ڕژیمی کۆماری ئیسلامییەوە دەستبەسەر و بە بێ بەڵگەی قەزایی لە بەندیخانەی ناوەندی شاری ورمێ ڕاگیراوە. بە وتەی سەرچاوەکانی هەواڵ، ئەو هاووڵاتییە بۆ ماوەی زیاتر لە یەک ساڵە بە هۆی تووشبوونی بە نەخۆشی شێرپەنجە، دەرمانی کیمیایی وەردەگرێت و سەرەڕای نەخۆشییەکەی، لە لایەن هێزە ئەمنیەکانی ڕژیمەوە ئەشکەنجە و ئازارێکی زۆر دراوە.