بەپێی ڕاپۆرتەکان، حوسیەکانی یەمەن بە شێوەیەکی فەرمی چوونەتە نێو شەڕی ڕۆژهەڵاتی ناوەڕاستەوە و ڕایانگەیاندووە کە یەکەم هێرشیان بۆ سەر ئیسرائیل ئەنجام داوە.
بەپێی دوایین هەواڵەکان، لە چوارچێوەی ئەم هەنگاوەدا چەند مووشەکی بالیستیک بەرەو ئامانجە سەربازی و هەستیارەکان لە ناوچەی باشووری فەلەستین هاوێشتراون، کە بە وتەی لایەنی هێرشکار ئامانجەکانیان پێکاوە. سەرچاوەکانی هەواڵ ئاماژە بەوە دەکەن کە ئەم هەنگاوە هاوکاتە لەگەڵ هێرشەکانی ئێران و هێزە هاوپەیمانەکانی، کە نیشانەی هەوڵێکی هاوبەشە بۆ بەرزکردنەوەی گوشار لەسەر ئیسرائیل. لە هەمان کاتدا، حوسیەکانی یەمەن ئاگاداریان داوە کە ئەم هێرشانە بەردەوام دەبن تا کاتێک کە شەڕەکە کۆتایی پێ بێت، کە ئەمە نیگەرانییەکی نوێ سەبارەت بە درێژبوونەوەی شەڕ و گواستنەوەی بۆ مەیدانە نوێکان درووست کردووە.