ڕۆژی شه‌ممه ٨ی خه‌رمانان، كۆمه‌ڵێك له ژنان و پیان، ئازادیخوازان و لایه‌نگه‌رانی كۆمه‌ڵه و حیزبی كۆمۆنیستی ئێران له شاری سنه، له به‌ره‌به‌ره‌ی ٩ی خه‌رمانان ساڵڕۆژی گیانبه‌ختكردنی هاوڕێ فۆئاد مسته‌فا سوڵتانی، له سه‌ر ته‌رمی كاك فۆئاد له تاڵه‌سواری مه‌ریوان كۆبوونه‌وه.
به پێی ڕاپۆرته‌كان، به‌شداربووانی مه‌راسیمه‌كه په‌یمانیان له گه‌ڵ هاوڕێ فۆئاد مسته‌فا سوڵتانی و هه‌موو گیانبه‌ختكردووانی كۆمه‌ڵه و حیزبی كۆمۆنیستی ئێران نوێ كرده‌وه و جه‌ختیان له سه‌ر ئه‌وه كرده‌وه كه به‌رده‌وام ئه‌بن له سه‌ر ڕێگای هه‌موو گیانبه‌ختكردووان تا كاتی وه‌ده‌ستهێنانی ئازادی و وڵاتێك له سه‌ر بنه‌مای سۆسیالیزم و به‌رابه‌ری. شایانی باسه مه‌رایمه‌كه له جه‌وێكی دۆستانه و به جۆش و خرۆشه‌وه به‌ڕێوه‌چوو و به ده‌نگێكی یه‌كگرتووانه له سه‌ر ڕێگای ئازادی و به‌رابه‌ری كۆتایی پێ هات