ڕۆژی هەینی ۷ی خەرمانانی ۱۴۰۴، کۆمەڵێک لە کەسانی ئازادیخواز لە ژنان و پیاوانی ئازادیخواز لە شاری سەقز، بۆ ڕێز گرتن لە یادی هاوڕێ فۆئادی مستەفا سوڵتانی و دامەزراندنی حیزبی کۆمۆنیستی ئێران، مەراسیمێکیان بەڕێوەبرد.
لە مەراسیمەکەدا کە لە دوروبەری شاری سەقز بەڕێوە چوو، بەشداربووان پێشاپێش ڕێزیان لە ۹ی خەرمانان ساڵڕۆژی گیانبەختکردنی هاوڕێ فۆئادی مستەفا سوڵتانی و ۱۱ی خەرمانان ساڵیادی دامەزراندنی حیزبی کۆمۆنیستی ئێران گرت. لە بەردەوامی مەراسیمەکەدا پەیمانیان لەگەڵ هاوڕێیانی گیانبەختکردووی کۆمەڵە و حیزبی کۆمۆنیستی ئێران و هەروەها گیانبەختکردووانی شۆڕشی (ژن، ژیان، ئازادی) نوێ کردەوە و جەختیان لە سەر ئەوە کردەوە کە تا کاتی وەدیهاتنی ئامانجەکانیان بەردەوام ئەبن لە خەبات و تێکۆشان. پاش چەند ساعەتێکی وتوبێژی بەشداربووان لە جەوێکی دۆستانەدا مەراسیمەکە کۆتایی پێ هات و بە دانانی پلاکاردی (بژی حیزبی کۆمۆنیستی ئێران)، (۹ی خەرمانان ساڵڕۆژی گیانبەختکردنی کاک فوئاد مستەفا سوڵتانی لە بیرمان ناچێت) و ( پیرۆز بێت ۱۱ی خەرمانان، ساڵڕۆژی دامەزراندنی حیزبی کۆمۆنیستی ئێران) لە شوێنی مەراسیمەکە، ئەو شوێنەیان بە جێ هێشت.
بەڕێوەچوونی مەراسیمی ڕێزگرتن لە یادی کاک فۆئاد مستەفا سوڵتانی و ساڵڕۆژی دامەزراندنی حیزبی کۆمۆنیستی ئێران
