ڕۆژی چوارشەممە ٢٢ی گەلاوێژی ١٤٠٤، “زانیار خزری” هاووڵاتی خەڵکی شاری پیرانشار پاش تێپەڕبوونی ٣٣ ڕۆژ لە ماوەی دەسبەسەر کرانی، بە دانانی بارمتەی قورس بە شێوازێکی کاتی ئازاد کرا.
ناوبراو ڕۆژی ١٩ ی پووشپەڕی ئەمساڵ هاوکات لە گەڵ باوکی “عەزیز خزری” تەمەن ٥٧ ساڵ، لە لایەن ناوەندە ئەمنییەکانی ئەو شارەوە دەستبەسەر و ڕەوانەی گرتووخانەکانی ئێتڵاعات کران. جێگای ئاماژەیە هاوکات لەگەڵ ئازادبوونی زانیار، باوکی بۆ بەندیخانەی شاری مەهاباد ڕاگوێزراوە و هێشتا زانیارییەک سەبارەت بەو تۆمەتانەی کە دراوەتە پاڵی بڵاو نەکراوەتەوە.