به وته‌ی هاونیشتمانیان، بڕینی به‌رده‌وامی كاره‌با ته‌ندرووستی بنه‌ماڵه‌كانیانی خستووه‌ته مه‌ترسییه‌وه و نه‌وه‌سانی وڵتاژی به‌رق كه‌لووپه‌له‌كانی نێو ماڵه‌كانیانی سووتاندووه.
به پێی بڕیاری ده‌وڵه‌ت، ڕۆژانه چوار ساعه‌ت كاره‌با قه‌تع ده‌كرێت، به‌ڵام هاووڵاتیان ده‌ڵێن: له ٢٤ ساعه‌ت دا دوو جار و هه‌ر جار سێ ساعه‌ت كاره‌با ده‌ڕوات. ناكارامه‌یی به‌رپرسانی حكوومه‌ت به‌شه‌كانی سه‌نعه‌ت، بازاڕ و ژیانی خه‌ڵكی له ٢٠ ئوستان تێك داوه و چالاكانی بواری بێهداشت و ده‌رمان سه‌باره‌ت به دابین نه‌كردنی به‌رق بۆ ناوه‌نده ده‌رمانییه‌كان هۆشداریان به ده‌وڵه‌ت داوه.