ڕۆژی یه‌كشه‌ممه ١١ی جۆزه‌ردان، مه‌هسا زارعی، چالاكی مه‌ده‌نی ده‌ستبه‌سه‌ركراوی خه‌ڵكی كرماشان پاش یه‌ك حه‌فته به‌ندكران، به دانانی بارمته له زیندانی ئه‌و شاره ئازاد كرا.
ڕۆژی یه‌كشه‌ممه ٤ی جۆزه‌ردان، مه‌هسا زارعی، هونه‌رمه‌ند و چالاكی مه‌ده‌نی خه‌ڵكی كرماشان، له‌لایه‌ن هێزه‌كانی ڕژیمه‌وه ده‌ستبه‌سه‌ر و پاش لێپرسینه‌وه بۆ زیندانی ئه‌و شاره ڕاگوێزرا. تا كاتی داڕشتنی ئه‌م هه‌واڵه هیچ زانیارییه‌ك له سه‌ر هۆكاری به‌ندكرانی ئه‌و چالاكه مه‌ده‌نییه بڵاو نه‌كراوه‌ته‌وه.