ڕۆژی چوارشه‌ممه ١٣ی خاكه‌لێوه‌ی ١٤٠٤، هێزه ئه‌منیه‌كانی ڕژیمی كۆماری ئیسلامی هێرشیان كرده سه‌ر مه‌راسمی نه‌ورۆزی خه‌ڵكی په‌هله‌ی دێلۆران و هه‌وڵی ده‌ستبه‌سه‌ر كردنی كۆمه‌ڵێك له هاووڵاتیانی دا.
به پێی ڕاپۆرته‌كان، هێزه‌كانی ئیداره‌ی ئیتلاعاتی ڕژیم به مه‌به‌ستی تێكدانی مه‌راسمی نه‌ورۆز و هه‌روه‌ها ڕێگری له به‌رده‌وامی ئه‌و مه‌راسمه، هێرشیان كرده سه‌ر خه‌ڵك و هه‌وڵی لێدان و ده‌ستبه‌سه‌ر كردنی هه‌ندێك له به‌شداربووانی ئه‌و مه‌راسمه‌یان دا، به‌ڵام خه‌ڵك له به‌رامبه‌ر ئه‌م كرده‌وه‌ی هێزه‌كانی ڕژیمدا ڕاوه‌ستان و له ئه‌نجامدا تێكهه‌ڵچوون له نێوان دانیشتوانی ئه‌و ناوچه‌یه و به‌كرێگیراوانی كۆماری ئیسلامی رویدا، كه به‌و هۆیه‌وه هه‌ندێك له به‌شداربووان بریندار و هه‌روه‌ها چه‌ند هاووڵاتی له لایه‌ن هێزه‌كانی ئیداره‌ی ئیتلاعاته‌وه ده‌ستبه‌سه‌ر كران.