به پێی ڕاپۆرته‌كان، دارستانه‌كانی ناوچه‌ی جه‌لالوه‌ندی پارێزگای كرماشان له لایه‌ن كه‌سانی به‌رژه‌وه‌ندیخوازی کە گوایە سه‌ر به ڕژیمی كۆماری ئیسلامیین ده‌بڕێنه‌وه و ژینگه‌ی ناوچه‌كه له ناو بردووە.
به پێی ئاماره فه‌رمییه‌كان، له ٧٠ ساڵی ڕابردوودا به لانیكه‌م ٧٠ ملیۆن دۆنمی دارستانه‌كانی كوردستان له لایه‌ن حكومه‌ته ده‌سه‌ڵاتداره‌كان و هه‌روه‌ها كه‌سانی قازانجخواز و هه‌ڵپه‌ره‌سته‌وه له ناوچوون و به ته‌نیا ٥٠ ملیۆن دۆنم له دارستانه‌كانی كوردستان ماوه‌ته‌وه. جێگای ئاماژه‌یه له ساڵانی ڕابردوودا ئه‌نجومه‌ن و ڕێكخراوه‌كانی ژینگه‌یی له كوردستان، سه‌ره‌ڕای هه‌موو هه‌وڵه‌كانی ڕژیم بۆ ڕێگری كردن له چالاكییه ژینگه‌ییه‌كانیان، به‌رده‌وامن له وریا كردنه‌وه‌ی خه‌ڵك و هه‌روه‌ها پاراستنی ژینگه‌ی كوردستان.