ڕۆژی سێشه‌ممه ٥ی خاكه‌لێوه‌ی ١٤٠٤، دانیشتووانی شاری شه‌نگاڵ له هه‌رێمی كوردستان دژ به هه‌ڵسووكه‌وتی وه‌حشیانه‌ی ئه‌رته‌شی عێراق خۆپێشاندانیان كرد.
له ڕۆژانی ڕابردوودا، ئه‌رته‌شی عێراق هێرشی كردبووه سه‌ر هێزه‌كانی پاراستنی شه‌نگال و تێكهه‌ڵچوون له نێوان چه‌كدارانی هه‌ر دوولا ڕووی دا. به‌دوای دوو ساعه‌ت شه‌ڕ و پێكدادان، چه‌ند كه‌س له هێزه‌كانی ئه‌رته‌شی عێراق بریندار بوون و هێزێكی زۆر به چه‌كی قورس ڕه‌وانه‌ی شه‌نگال كرا. له سێ ڕۆژی ڕابردوودا چه‌ند شارومه‌ندی شه‌نگال له‌لایه‌ن پۆلیسی عێراقه‌وه ده‌ستبه‌سه‌ر كراون و ڕۆژی سێشه‌ممه، بنه‌ماڵه‌ی ده‌ستبه‌سه‌ركراوان و خه‌ڵكی ئه‌و شاره له كۆبوونه‌وه‌یه‌كی ناڕه‌زایه‌تی دا خوازیاری كۆتایی هێنان به سیاسه‌تی سه‌ركوت و ئازادی ئازیزانیان بوون.