كرێكارانی شاغڵ له شیركه‌تی ئاو و ئاوه‌ڕۆی ڕوودبار، ڕۆژی چوارشه‌ممه ٢٦ی به‌فرانبار بۆ جارێكی دیكه دژ به نه‌دانی داخوازییه‌كانیان كۆبوونه‌وه.
به وته‌ی كرێكاران، پێشتر ١٢ مانگ حه‌قده‌ستی دواخراوه‌یان هه‌بووه، به‌ڵام پاش كۆبوونه‌وه‌ی به‌رده‌وام توانیان حه‌قده‌ستی شه‌ش مانگی وه‌ر بگرن. ئێستا حه‌قده‌ستی شه‌ش مانگی دیكه به‌لای په‌یمانكاری پێشوو ماوه و كرێكاران له دۆخێكی سه‌خت دا ده‌ژین. كرێكارای ناڕازی هه‌روه‌ها داویان كرد حه‌قی بیمه‌كانیان به ڕێكخراوی ته‌ئمیین ئیجتیماعی په‌رداخت بكرێت تاكوو بتوانن له خزمه‌تگوزارییه ده‌رمانییه‌كان به‌هره‌مه‌ند بن.