به‌یانی شه‌ممه ٢٢ی به‌فرانبار، سێ خوێندكاری زانكۆی سه‌نعه‌تی ئیسفه‌هان به‌هۆی ئاگركه‌وتنه‌وه له ساڵۆنی خوێندنی خوابگا بریندار بوون.
به وته‌ی ئۆرژانسی ئیسفه‌هان، دوو خوێندكار به‌هۆی هه‌ڵمژێنی گازی مۆنۆكسیدی كه‌ربۆن ژاراوی و ڕه‌وانه‌ی نه‌خۆشخانه كراون و خوێندكارێكی دیكه لاقی بریندار و له نه‌خۆشخانه به‌سته‌ری كراوه. شایانی باسه كه هێشتا هۆكاری ئاگركه‌وتنه‌وه له‌و سالۆنه ڕوون نه‌كراوه.