چالاكێكی مه‌ده‌نی خه‌ڵكی پارێزگای گیلان به ناوی په‌یمان كازمی، له‌لایه‌ن دادگای ئینقلابی ئه‌و ئوستانه به سێ ساڵ زیندانی ته‌عزیزی مه‌حكووم كرا.
به‌پی ڕاپۆرتی ڕێكخراوه‌كانی مافی مرۆڤ، په‌یمان كازمی به تۆمه‌تی ته‌بلیغ دژی نیزام و بێڕێزی به ڕێبه‌ری سه‌رجه‌م به سێ ساڵ زیندانی ته‌عزیزی مه حكووم كراوه. ناوبراو مانگی به‌فرانباری ساڵی ڕابردوو له وڵاتی سویده‌وه گه‌ڕایه‌وه ئێران و له ڕێكه‌وتی ١٨ی ڕه‌شه‌مه‌ی ١٤٠٢، له‌لایه‌ن هێزه ئه‌منیه‌تیه‌كانه‌وه ده‌ستبه‌سه‌ر كرا.