ڕۆژی یه‌كشه‌ممه ٢٧ی خه‌زه‌ڵوه‌ری ١٤٠٣، خانه‌نشینكراوانی ته‌ئمیین ئیجتیماعی له شاری ڕه‌شت و خانه‌نشینكرانی فولاد له قائیمشار هاوكات له‌گه‌ڵ كۆبوونه‌وه‌ی هاوكاره‌كانیان له چه‌ند شاری ئێران كۆبوونه‌وه.
خانه‌نشینكراوانی ناڕازی به كۆبوونه‌وه له‌به‌رده‌م ڕێكخراوی ته‌ئمیین ئیجتیماعی و سندووقی خانه‌نشینی فولاد له شاره‌كانیان خوازیاری زیادكردنی ئاستی حه‌قده‌ست و مه‌زایا، دابینكردنی بیمه‌ی ته‌كمیلی، هاوسانسازی حه‌قده‌ست، گه‌ڕانه‌وه‌ی سه‌ربه‌خۆیی به سندووقی خانه‌نشینی كرێكارانی فولاد و هه‌ڵوه‌شانه‌وه‌ی بڕیاری ده‌وڵه‌ت بۆ تێكه‌ڵكردنی سندووقه‌كانی خانه‌نشینی بوون.