به‌پێی ڕاپۆرته‌كان، كار و چالاكییه‌كانی مه‌عده‌نی زستانه‌ی یوورت له پارێزگای گوڵستان به‌هۆی كێشه‌ی دارایی ڕاگیراوه و ٤٠٠ كرێكار بێكار كراون.
به وته‌ی چالاكانی كرێكاری، به‌دوای ڕووداوه‌كه‌ی مه‌عده‌نی خه‌ڵۆزی ته‌به‌س، كار و چالاكییه‌كانی مه‌عده‌نی یوورت له پارێزگای گوڵستان به مه‌به‌ستی نۆژه‌نكردنه‌وه و دابینكردنی ئیمه‌نی پیشه‌یی داخرا، به‌ڵام یه‌ك مانگ به‌سه‌ر بڕیاری ده‌وڵه‌ت تێپه‌ڕیوه و درگای مه‌عده‌ن هێشتا نه‌كراوه‌ته‌وه. كرێكارانی ناڕازی ده‌ڵێن: به‌ڕێوه‌به‌رانی شیركه‌ت هۆكاری داخستنی مه‌عده‌نه‌كه‌یان بۆ كێشه‌ی دارایی گه‌ڕاندووه‌ته‌وه. ئێستا ٤٠٠ كرێكار له بیلاته‌كلیفی دا ماونه‌ته‌وه و داوای ڕوونكردنه‌وه‌ی چاره‌نووس پیشه‌ییان ده‌كه‌ن.