به‌پێی ڕاپۆرتی میدیاكانی ئێران، دادستانی تاران دژ به نه‌وید محه‌ممه‌دزاده، ئه‌كته‌ری به ناوبانگی كورد درووست كردووه و بڕیاره بانگهێشتی دادگا بكرێت.
پاش هێرشه مووشه‌كییه‌كه‌ی سپای پاسداران بۆ سه‌ر ئیسڕائیل، نه‌وید محه‌ممه‌دزاده كاردانه‌وه‌ی به‌رانبه‌ر به‌و هێرشه دا بووه و دژایه‌تی خۆی له‌گه‌ڵ تێوه‌گڵانی ئێران له شه‌ڕێكی ناوچه‌یی و له‌ناوچوونی وڵات به‌هۆی سیاسه‌ته هه‌ڵه‌كانی حكوومه‌ت نیشان داوه. له به‌رانبه‌ر دا دادستانی تاران ئه‌و ئه‌كته‌ره‌ی به تێكدانی ئه‌منیه‌تی ڕه‌وانی كۆمه‌ڵگا تۆمه‌تبار كردووه و په‌روه‌نده‌ی بۆ ساز كردووه. جگه له نه‌وید محه‌ممه‌دزاده، مێهدی یه‌راحی و شروین حاجی پوریش سیاسه‌ته‌كانی ڕژیمیان ئیدانه كردووه و ڕۆژی پێنجشه‌ممه ١٢ی ڕه‌زبه‌ر، دادستانی تاران عه‌بدۆلڕه‌زا داوه‌ری چالاكی سیاسی و به‌رپرسی پێشوو له ده‌وڵه‌تی ئه‌حمه‌دی نژادی به بڵاوكردنی پڕۆپاگه‌ندا به مه‌به‌ستی تێكدانی ئاسایشی وڵات تۆمه‌تبار كردبوو.