ڕۆژی چوارشه‌ممه ٢٨ی خه‌رمانان، هاوكات له‌گه‌ڵ دووهه‌مین ساڵڕۆژی گیانبه‌ختكردنی موحسن محه‌ممه‌دی و فوئاد قه‌دیمی له شاری دیوانده‌ره، بنه‌ماڵه‌ی ئه‌و دوو قوربانیه‌ی سه‌ركوتی ڕژیم، له‌سه‌ر مه‌زاره‌كانیان كۆبوونه‌وه.
به‌پێی ئه‌و وێنانه‌ی به ده‌ستمان گه‌یشتووه، بنه‌ماڵه‌كانی موحسن محه‌ممه‌دی و فوئاد قه‌دیمی تاجه گوڵینه‌ی سووریان له‌سه‌ر مه‌زاری ئه‌و دوو گیانبه‌ختكردووه‌ی ڕێگای ئازادی داناوه و وێڕای ڕێزلێنان له یاد و بیره‌وه‌رییه‌كانیان، په‌یمانیان له‌گه‌ڵ ئاواته‌كانیان نوێ كردووه‌ته‌وه.