كرێكارانی ڕۆژموزدی شاغڵ له پاڵاوگه‌ی سێهه‌می پارس جنووبی، ڕۆژی چوارشه‌ممه ٢١ی خه‌رمانان، دژبه دۆخی خراپی پیشه‌یی ده‌ستیان له كار كێشا و مانیان گرت.
به وته‌ی كرێكارانی ناڕازی، ماوه‌ی ده ساڵه كه مه‌عیشه‌تی خۆیان و بنه‌ماڵه‌كانیان له ڕێگه‌ی گرێبه‌ستی كاتی ٢٠ ڕۆژ تاكوو یه‌ك مانگه له پاڵاوگه‌كانی پارس جنووببی دابین ده‌كه‌ن و چی تر ته‌حه‌مولی ئه‌و دۆخه سه‌خته ئابوورییه ناكه‌ن. كرێكارانی ڕۆژموزدی شاغڵ له پڕۆژه‌كانی نه‌وت و گاز به كه‌مترین ئیمكانات و له خراپترین دۆخی پیشه‌یی دا كار ده‌كه‌ه‌ن، به‌ڵام به‌رپرسانی ده‌وڵه‌تی هیچ بایه‌خێكیان پێ ناده‌ن.