به‌پێی ئه‌و ویدیۆیانه‌ی له تۆڕه كۆمه‌ڵایه‌تیه‌كان بڵاو كراوه‌ته‌وه، خه‌ڵكانێكی زۆر له شاره‌كانی دیكه‌ی كوردستانه‌وه خۆیان گه‌یاندووه‌ته سه‌لاسی باوه‌جانی و پاش سێ ڕۆژ توانیویانه ئاگره‌كه كۆنتڕڵ بكه‌ن.
به وته‌ی چالاكانی مه‌ده‌نی، سێ ڕۆژه دارستان و مێرگی سه‌لاسی باوه‌جانی له ئاگردا ده‌سووتێت، به‌ڵام ناوه‌نده په‌یوه‌ندیداره‌كانی ڕژیم هیچ بایه‌خێكیان پێ نه‌داوه و ته‌نیا خه‌ڵكی خۆبه‌خش به هانای ژینگه‌دۆستانه‌وه هاتوون. له ماوه‌ی سێ ڕۆژی ڕابردوودا، ده‌یان هێكتار دارستانی سه‌لاسی باوه‌جانی سووتاوه و سه‌دان بوونه‌وه‌ر له‌ناو چووه و زیانه‌كان له كورت ماوه دا قه‌د قه‌ره‌بوو ناكرێته‌وه.