“پەخشان عەزیزی”، ڕۆژنامه‌نووس و به‌ندكراوی سیاسی ڕاگیراو له زیندانی ئێڤین، له‌لایه‌ن ده‌زگای قه‌زایی ڕژیمه‌وه له مافه‌كانی په‌یوندی ته‌له‌فوونی و چاوپێكه‌وتن له‌گه‌ڵ بنه‌ماڵه‌كه‌ی بێبه‌ش كراوه.
“په‌خشان عه‌زیزی” مانگی گه‌ڵاوێژی ساڵی ڕابردوو له شاری تاران له‌لایه‌ن هێزه ئه‌منیه‌تیه‌كانه‌وه ده‌ستبه‌سه‌ر و بۆ به‌ندی ٢٠٩ی ئه‌منیه‌تی زیندانی ئێڤین گوازرایه‌وه. ئه‌و به‌ندكراوه سیاسیه له ماوه‌ی به‌ندكرانیدا له ده‌ستڕاگه‌یشتن به پارێزه‌ر بێبه‌ش و به مه‌به‌ستی دانپێدانانی زۆره‌ملێ ئه‌شكه‌نجه و ئازار درا. ناوبراو له‌لایه‌ن ده‌زگای قه‌زایی ڕژیمه‌وه به به‌غی و هاوكاری له‌گه‌ڵ حیزبه نه‌یاره‌كانی ڕژیم تۆمه‌تبار و گیانی له مه‌ترسی دایه.