ڕۆژی شه‌ممه ١١ی سه‌رماوه‌زی ١٤٠٢، كۆمه‌ڵێك په‌نابه‌ری خه‌ڵكی ڕۆژئاوای كوردستان كه به‌نیازبوون له سنووری حه‌سه‌كه‌وه بۆ نێو خاكی توركیا ده‌باز بن، له‌لایه‌ن هێزه سنوورییه‌كانی ئه‌و وڵاته‌وه درانه به‌ر ده‌ستڕێژی گوله و منداڵێكی ته‌مه‌ن ٩ ساڵ به ناوی “ڕه‌عد مه‌له‌ك یه‌عره‌ب”گیانی له‌ده‌ست دا.
به‌پێی ڕاپۆرتی خۆبه‌ڕێوه‌به‌ری ڕۆژئاوای كوردستان، هێزه سنوورییه‌كانی توركیا به‌بێ ئاگاداركردنه‌وه ته‌قه‌یان له خه‌ڵك كردووه و به‌هۆیه‌وه منداڵێكی ته‌مه‌ن ٩ ساڵ گیانی له‌ده‌ست داوه و چه‌ند كه‌سی دیكه‌ش بریندار بوون. به‌پێی ئاماری ڕێكخراوی چاودێری مافی مرۆڤی سووری، ته‌نیا له مانگی نۆڤامبه‌ری ٢٠٢٣ دا، ٤ شارومه‌ندی سووری به ده‌ستڕێژی گوله‌ی هێزه‌كانی توركیا كوژراون و ٣٧ كه‌سی دیكه‌ش بریندار بوون.