مستەفا، برای “موحسن قەیسەری” لە گیانبەختكراوانی بزووتنەوەی ژینا لە ئیلام، وێنەیەکی لە کامێرایەکی چاوەدێری بڵاو کردووەتەوە کە لەلایەن ناوەندە ئەمنییەتییەکانەوە لەسەر مەزاری براکەی دانراوە.
ناوبراو نووسیویەتی: “لە چی دەترسێن؟”! لە بەردی مەزارەکەی؟! یا لە ناو و یادی؟! هەڕەشە و تۆقاندن تا کەی؟! ئێمە دادخوازین و تا کۆتایی بەپێوەین.”ڕۆژی ٣٠ی خەرمانانی ١٤٠١، “موحسن قەیسەری”، لە ڕەوتی بزووتنەوەی “ژن،ژیان،ئازادی” و لە پارکی منداڵ و دوابەدوای بەرکەوتنی زیاتر لە ٥٠ فیشەکی ساچمەیی لەلایەن هێزە سەرکوتکەرەکانەوە گیانی لەدەستدا.