ڕۆژی شه‌ممه ٦ی مانگی خه‌زه‌ڵوه‌ر، خه‌ڵكی ئازادیخواز له چه‌ند شاری ئێران دژ به قه‌تلی حكوومه‌تی “ئارمیتا گه‌ڕاوه‌ند” درووشمیان وته‌وه و خۆیندكارانی زانكۆ بۆ پشتیوانی له بنه‌ماڵه‌كه‌ی چالاكیان ئه‌نجامدا.
پاش بڵاوبوونه‌وه‌ی هه‌واڵی گیانبه‌ختكردنی “ئارمیتا گه‌راوند”، خه‌ڵكی ئازادیخواز له شاره‌كانی تاران، كه‌ره‌ج و ڕه‌شت دژبه حكوومه‌تی سه‌ركوتگه‌ری ئیسلامی دروشمیان به‌رز كرده‌وه. هه‌روه‌ها خوێندكاران له زانكۆكانی ئه‌لزه‌هرا و ئازادی قودس تراكت و وێنه‌ی ئارمیتایان بڵاو كرده‌وه و دیواری ژووره‌كانی زانكۆیان به دروشمی دژه حكوومه‌ت نه‌خشاند.