ڕۆژی ٥ی ڕه‌زبه‌ر، كۆمه‌ڵێك له چالاكانی سنفی فه‌رهه‌نگیانی به‌نده‌رئه‌نزه‌لی سه‌ردانی ماڵی هاوكارێكیان به ناوی “زه‌هرا سه‌یاد دلشادپور” كرد و پشتیوانی خۆیان له‌و چالاكه سنفیه ده‌ربڕی.
به‌پێی زانیارییه‌كان، ماوه‌یه‌ك له‌وه‌به‌ر “زه‌هرا سه‌یاد دلشادپور” ده‌بیری زمانی ئینگلیزی له‌لایه‌ن ده‌سته‌ی به‌ره‌نگاربوونه‌وه له‌گه‌ڵ هه‌ڵه ئیدارییه‌كانی ئامووزش و په‌روه‌رش به‌خانه‌نشینی ئیجباری مه‌حكووم و پله‌كانی له لایه‌حه‌ی ڕیزبه‌ندی كه‌م كرایه‌وه. چالاكانی سنفی فه‌هه‌رنگیانی به‌نده‌رئه‌نزه‌لی وێڕای شه‌رمه‌زاركردنی سه‌ركوتی موعه‌لیمان، مامۆستایان و خوێندكاران، خوازیاری هه‌ڵوه‌شاندنه‌وه‌ی ئه‌و حوكمه و ئازادی ته‌واوی به‌ندكراوانی سیاسی بوون.