ڕۆژی پێنجشه‌ممه ٣٠ی مانگی خه‌رمانان، “سامان پاشایی” و “خالید عه‌بدوڵڵا زاده” چالاكوانی مه‌ده‌نی شاری سه‌قز به دانانی بارمتەی ئازاد کران.
به‌پێی ڕاپۆرته‌كان، “سامان پاشایی چالاكوانی مه‌ده‌نی خه‌ڵكی شاری سه‌قز دووایی چه‌ندین مانگ ده‌ستبه‌سه‌ر كردن به دانانی بارمته‌ی پێنج میلیارد تمه‌نی له زیندان ئازاد كرا و له‌لایه‌ن بنه‌ماڵه و خه‌ڵكی ئازادیخوازی سه‌قزه‌وه پێشوازی گه‌رمی لێ كرا. هه‌روها “خالید عه‌بدوڵڵا زاده” چالاكوانی مه‌ده‌نی خه‌ڵكی شاری سه‌قز كه ماوه‌یه‌ك له‌وه‌به‌ر ده‌ستبه‌سه‌ر كرابوو، به دانانی بارمه‌ته‌ی ٣ میلیارد تمه‌نی ئازاد كرا.