ڕۆژی چوارشه‌ممه‌ ١٥ی خه‌رمانان، دانیشتووانی شاری قه‌سری شیرین له‌ ئاست كه‌م ئاوی و بایه‌خ نه‌دانی به‌رپرسانی ده‌وڵه‌ت به‌ كێشه‌ و گرفته‌كانیان ناڕه‌زایه‌تیان ده‌ربڕی.

به‌وته‌ی هاووڵاتیان، لەم ڕۆژانەدا دژایەتییەکی ڕوون له‌گه‌ڵ هاووڵاتیان دەبینین، هەموو دامودەزگا حکوومییەكان چەند هەزار میلیارد تمەن لە ئەربەعینی حسێن خەرج دەکەن، بەڵام لە تەنیشت هەمان سنووری خوسرەوی، گوندێک بە ناوی “کەركەهرەك” ئاوی خواردنەوەیان نییە و ماوەیەکە بە سەختی ژیان بەسەر دەبەن.