ڕۆژی دووشەممە ٦ی خەرمانانی ١٤٠٢، “ئەمیر ئەرژەنگی”، تەمەن ٢٧ ساڵ و “ستار ئەرژەنگی”، تەمەن ٢٥ ساڵ و خەڵکی شارۆچكه‌ی “نێ”ی سەر بە شارستانی مەریوان، لەلایەن ئیدارەی ئیتلاعاتەوە دەستبەسەر کران.
بەپێی زانیارییه‌كان، ئەو دوو هاووڵاتییە کە هەردووکیان خێزاندار و باوکی منداڵێکی بچووکن، دوای ئەوەی کە لەلایەن ئیدارەی ئیتلاعاتی مەریوانه‌وه بانگ کراون، دەستبەجێ دەستبەسەر کراون. تاکوو کاتی داڕشتنی ئەم هەواڵە، هیچ زانیارییەکی ورد لەسەر هۆکاری به‌ندكران و شوێنی ڕاگیرانیان لە بەردەستدا نییە.