ڕۆژی یه‌كشه‌ممه ١ی گه‌لاوێژ، “ئه‌میر حسێن مورادی” چالاكی مافی مرۆڤی خه‌ڵكی تاران بۆ جارێكی دیكه له‌لایه‌ن حكوومه‌ته‌وه ده‌ستبه‌سه‌ركرا، له‌لایه‌كی دیكه‌وه به‌ندكراوێك له زیندانی لاكانی ڕه‌شت به ناوی “یه‌لدا دێهقانی” له‌لایه‌ن هێزه ئه‌منیه‌تیه‌كانه‌وه به‌سه‌ختی ئه‌شكه‌نجه درا.
به‌پێی ڕاپۆرته‌كان، “یه‌لدا دێهقانی” ماوه‌ی ده ڕۆژ له گرتووخانه‌ی ئیتلاعاتی سپای پاسداران به مه‌به‌ستی وه‌رگرتنی ئێعترافی ئیجباری ئه‌شكه‌نجه و ئازار درا و ڕۆژی ڕابردوو بۆ زیندانی لاكانی ڕه‌شت گوازراوه‌ته‌وه. هه‌روه‌ها “ئه‌میرحسێن مورادی” چالاكی مافی مرۆڤی خه‌ڵكی تاران كه مانگی گوڵانی ئه‌مساڵ بۆ جارێكی دیكه ده‌ستبه‌سه‌ر كرابوو، ڕۆژی ڕابردوو بۆ جارێكی دیكه له‌لایه‌ن هێزه‌كانی ئیداره‌ی ئیتلاعاته‌وه ده‌ستبه‌سه‌ر و بۆ به‌ندی ٢٠٩ی زیندانی ئێڤین گوازرایه‌وه.