كۆمه‌ڵێك له ئێرانیانی دانیشتووی وڵاتانی سویس، ئامریكا و به‌ریتانیا به‌مه‌به‌ستی پشتیوانی له ڕاپه‌ڕینی گه‌لانی ئێران خۆپێشاندانیان كرد.
به‌پێی ڕاپۆرته‌كان، ئێرانیانی دانیشتووی شاری نیۆیۆرگ له پاركی “مه‌نهه‌ته‌ن” كۆبوونه‌وه و به به‌ده‌سته‌وه‌گرتنی پلاكارد و وتنه‌وه‌ی دروشم پشتیوانی خۆیان له ڕاپه‌ڕینی گه‌لانی ئێران ده‌ربڕی، له‌لایه‌كی دیكه‌وه كوردانی دانیشتووی وڵاتی سویس به مه‌به‌ستی ئیدانه‌كردنی سه‌ركوتگه‌رییه‌كانی كۆماری ئیسلامی كۆبوونه‌وه و پشتیوانی خۆیان له خه‌ڵكی ڕاپه‌ڕیوی ڕۆژهه‌ڵاتی كوردستان و ئێران ده‌ربڕی و ئێرانیان له شاری له‌نده‌ن كۆبوونه‌وه‌یه‌كی گه‌وره‌یان به مه‌به‌ستی مه‌حكووم كردنی سه‌ركوتگه‌رییه‌كانی ڕژیم به‌ڕێوه‌برد وخوازیاری پشتویانی كۆمه‌ڵگای نێوده‌وڵه‌تی له ڕاپه‌ڕینی گه‌لانی ئێران بۆ گه‌یشتن به‌ئازادی و به‌رابه‌ری بوون.