كرێكارانی شیركه‌تی له‌به‌نیاتی “پاژن” له ئۆستانی تاران ڕۆژی چوارشه‌ممه ١ی خه‌زه‌ڵوه‌ر، له ناڕه‌زایه‌تیی به په‌رداخت نه‌كردنی حه‌قده‌سته‌كانیان ده‌ستیان له‌كار كێشایه‌وه و له به‌رامبه‌ر ئه‌م شیركه‌ته كۆبوونه‌وه.
ناڕازییان له‌ڕێگه‌ی به‌ده‌سته‌وه گرتنی چه‌ندین پلاكارد و وتنه‌وه‌ی درووشمی ناڕه‌زایه‌تیی، خوازیاری په‌رداخت كردنی بڕی ٧ مانگ له حه‌قده‌ست و مه‌زایاكانیان بوون. كرێكارانی ناڕازیی له‌مباره‌وه ڕایانگه‌یاندووه كه له دوایین كۆبوونه‌وه‌یاندا، كارفه‌رما به‌ڵێنی پێ داون كه له ماوه‌ی چه‌ند ڕۆژدا، بڕی یه‌ك مانگ و نیو له حه‌قده‌سته‌كانیان په‌رداخت بكات، به‌ڵام سه‌ره‌ڕای چه‌ندین ڕۆژ هه‌تا ئێستا حه‌قده‌سته‌كانیان په‌رداخت نه‌كراوه.