ڕۆژی یه‌كشه‌ممه ٢٨ی ڕه‌زبه‌ر، به ده‌یان هه‌زار كه‌س له خۆپیشانده‌ران بۆ جارێكی دیكه له هۆنگ كۆنگ هاتنه سه‌ر شه‌قامه‌كان و خۆپیشاندانیان ئه‌نجام دا. هاوكات پۆلیسی هۆنگ كۆنگ بۆ بڵاوه‌پێكردن به خۆپیشانده‌ران له گازی فرمێسكڕێژ و ماشینی ئاوپاش كه‌ڵكی وه‌رگرتووه.
ڕاپۆرته‌كان باس له‌وه ده‌كه‌ن كه ئه‌م خۆپیشاندانه، ٢٠مین حه‌فته‌ی ناڕه‌زایه‌تییه‌كان به یاسای ناردنه‌وه‌ی تاوانباران به وڵاتی چینه. شایانی باسه، خۆپیشانده‌ران ئه‌م حه‌فته‌یه وه‌ك حه‌فته‌كانی ڕابردوو به شێوه‌ی هێمنانه هاتوونه‌ته سه‌ر شاقامه‌كان و خۆپیشاندانیان ئه‌نجام داوه، به‌ڵام به ده‌خاڵه‌تی هێزه‌كانی پۆلیس به‌ره‌و توندووتیژی كێشراوه. به پێی ڕاپۆرته بڵاوكراوه‌كان، هێزه‌كانی پۆلیس سه‌ره‌ڕای هاویشتنی گازی فرمێسكڕێژ، له ماده‌یه‌ك كه‌ڵكیان وه‌رگرتووه كه تێیدا بیبار به‌كار هاتووه و به‌هۆیه‌وه خۆپیشانده‌ران تووشی حاڵه‌تی سووتانه‌وه بوون.