ڕۆژی سێشه‌ممه ١ی مانگی خه‌رمانان، پزیشكی بێهداری شاری نوسوودی سه‌ر به ئوستانی كرماشان، له ده‌رمانكردنی كۆڵبه‌رێكی بریندار خۆی بواردووه و ناڕه‌زایه‌تی بنه‌ماڵه‌ی كۆڵبه‌ره‌كه‌ی لێكه‌وتووه‌ته‌وه.
به‌وته‌ی بنه‌ماڵه‌ی ئه‌و كۆڵبه‌ره، پزیشكی ده‌رمانگای شاری نه‌وسوود به بێڕێزیه‌وه له‌گه‌ڵ ئه‌و كۆڵبه‌ره ته‌مه‌ن ١٦ ساڵه هه‌ڵسووكه‌وتی كردووه و پێی وتووه ده‌رمانت ناكه‌م تۆش مه‌جبوورنیت كۆڵبه‌ری بكه‌ی. ئه‌وه له حاڵێكدایه كه دانیشتووانی ناوچه سنوورییه‌كانی ڕۆژهه‌ڵاتی كوردستان له‌به‌ر نه‌بوونی هه‌لی كار و هه‌ژاری ڕوو له كۆڵبه‌ری ده‌كه‌ن و ئه‌و كۆڵبه‌ره‌ش له‌لایه‌ن هێزه‌كانی ڕژیرمه‌وه به‌چه‌كی سا‌چمه‌یی كراوه‌ته ئامانج و لاقێكی به‌سه‌ختی برینداربووه.