به پێی ڕاپۆرته بڵاوكراوه‌كان، ٤٠ منداڵی ئیزه‌دی لە کەمپێکدا لە سورییه کە دایکیان لەلایەن داعشەوە کڕین و فرۆشتنیان پێوەکرابوو، دۆزراونەتەوە.
گەورەترینی تەمەنی منداڵان چوار ساڵ و بچوکترینیان تەمەنی کەمتر لە شەش مانگە و سەرجەمیان منداڵی ئەو کچ و ژنانە ئیزه‌دییانەن کە لەلایەن چه‌كدارانی داعشەوە ده‌ستدرێژی كراوه‌ته سه‌ریان. شایانی باسه، کچان و ژنانی ئێزیدی لەبەردەم دو بژاردەی قورسدا بوون، یان لە کامپەکە و لەگەڵ ژن و منداڵی داعشەکاندا بمێننەوە، یان کامپەکە بەجێبهێڵن، بەڵام بە بێ منداڵەکانیان، زۆربەیان ناچاربوون بژاردەی دوەم هەڵبژێرن.