به پێی هه‌واڵی گه‌یشتوو، ڕۆژی شه‌ممه ١٤ی مانگی ڕه‌شه‌ممه، كۆمه‌ڵێك له شۆفێرانی ماشینه بارهه‌ڵگره‌كانی كارخانه‌ی لاستیكی “بارز”ی كوردستان، له ناڕه‌زایه‌تی به وه‌دینه‌هاتنی داواكارییه‌كانیان كۆبوونه‌وه.
به‌شداربووانی ئه‌و كۆبوونه‌وه ناڕه‌زایه‌تی خۆیان له ئاست نرخی كرایه، مانه‌وه‌ی ١٢ ساعه‌ته‌یان له نێو كارخانه، له‌به‌رچاو نه‌گرتنی پرۆتۆكۆله بێهداشتییه‌كان، له‌خواره‌وه‌بوونی ئاستی حه‌قده‌ست ده‌ربڕی و خوازیاری په‌رداختی پاداش و جێژانه‌كانیان پێش هاتنی ساڵی نوێ بوون.