كرێكارانی شاره‌داری “كووت سه‌ید نه‌عیم” له ناوچه‌ی ده‌شتی ئازادگان، رۆژی چوارشه‌ممه ١٣ی ڕه‌شه‌ممه، له‌ناره‌زایه‌تی به په‌رداخت نه‌كرانی مۆعه‌وه‌قاتیان ده‌ستیان دایه كۆبوونه‌وه‌ی ناره‌زایه‌تی.
به پێی راپۆرته‌كان، كرێكارانی شاره‌داری “كووت سه‌ید نه‌عیم” له كۆبوونه‌وه له به‌رامبه‌ر شاره‌داری ئه‌و شاره خوازیاری په‌رداختی ٧ مانگ حه‌قده‌سته دواخراوه‌كانیان بوون و رایانگه‌یاند: به هۆی دواخستنی حه‌قده‌ست و مزایاكانیان له‌م باڕوودۆخه خراپه ئابووری و گرانیه، بژێوی ژیانیان كه‌وتووته مه‌ترسیه‌وه و ته‌نانه‌ت له كاتی كۆرۆناشدا به‌بێ هیچ ئیمكاناتێ له كاره‌كه‌یان به‌رده‌وام بوون و ژیانیان خستۆته مه‌ترسی جدییه‌وه.