به پێی ڕاپۆرت و داتاكانی “ناوه‌ندی ئاماری فیدراڵی ئاڵمان”، ئاستی هه‌نارده‌ی ئه‌م وڵاته بۆ ئێران له نیوه‌ی ئه‌وه‌ڵی ساڵی ٢٠١٩دا به ڕێژه‌ی نزیك به ٥٠ له‌سه‌د كه‌م بووه‌ته‌وه.
ڕاپۆرته‌كان باس له‌وه ده‌كه‌ن كه دوای سه‌پاندنی دووباره‌ی گه‌مارۆ ئابوورییه‌كانی ئه‌مریكا له دژی ئێران، شیركه‌ته ئاڵمانییه‌كان، په‌یوه‌ندیی كاری و موعاملاتی خۆیان له‌گه‌ڵ ئێران ڕاده‌یه‌كی به‌رچاو كه‌م كردووه‌ته‌وه. به پێی داتاكانی ناوه‌ندی ئاماری فێدراڵی ئاڵمان، فرۆشتنی به‌رهه‌مه‌كانی ئه‌م وڵاته بۆ ئێران له نیوه‌ی ئه‌وه‌ڵی ساڵی ٢٠١٩ به ڕێژه‌ی ٤٨ له‌سه‌د كه‌م كراوه‌ته‌وه و گه‌یشتووه‌ته ٦٧٨ ملیۆن یۆرۆ. هه‌روه‌ها، ڕێژه‌ی هاورده كردنی كالا ئێرانییه‌كان له لایه‌ن وڵاتی ئاڵمانه‌وه ٤٣ له‌سه‌د واته ١١٠ ملیۆن یۆرۆ نزم بووه‌ته‌وه.