ژماره‌یه‌ك له كڕیارانی تاكسی بار له كارخانه‌ی زامیاد، ڕۆژی شه‌ممه ٦ی به‌فرانبار، به‌هۆی دواخرانی كاتی ڕاده‌ست كردنی ماشێنه‌كانیان، له به‌رامبه‌ر ئه‌م كارخانه‌یه ده‌ستیاندایه كۆبوونه‌وه.
ناڕازییان ڕایانگه‌یاندووه: به‌ڕێوه‌به‌رانی كارخانه هۆكاری دواخستنی كاتی ڕاده‌ست كردنی ماشێنه‌كانیان گه‌ڕاندووه‌ته‌وه بۆ نه‌دانی به‌ڵگه‌ی تایبه‌ت به پاراستنی ژینگه له لایه‌ن ڕێكخراوی پاراستنی ژینگه‌وه. ئه‌مه له حاڵێكدایه كه ده‌بیری كومیته‌ی فه‌ننی ده‌ركردنی به‌ڵگه‌ی تایبه‌ت به پاراستنی ژینگه، ئه‌م ئیدیعایه ڕه‌ت كردووه‌ته‌وه و ڕایگه‌یاندووه: ئه‌م به‌ڵگانه ڕێكه‌وتی ١٧ی سه‌رماوه‌ز ده‌ركراون و ناردراون بۆ كارخانه‌ی زامیاد.