كۆمه‌ڵێك له كرێكارانی قه‌راردادكاتی سازمانی مه‌نته‌قه ویژه‌ی ئێقتسادی پێترۆشیمی به‌نده‌رماه‌شه‌هر، ڕۆژی سێشه‌ممه ٢ی به‌فرانبار، له ناڕه‌زایه‌تیی به به‌ڕێوه‌نه‌چوونی گه‌ڵاڵه‌ی ڕیزبه‌ندی كاره سه‌خت و زیانباره‌كان له‌م ناوه‌نده، ده‌ستیاندایه كۆبوونه‌وه.
به پێی ڕاپۆرته‌كان، ئه‌م كرێكارانه كه پێشتریش چه‌ندین جار له به‌رامبه‌ر فه‌رمانداریی ماه‌شه‌هر ده‌ستیان دابووه كۆبوونه‌وه، سه‌ره‌ڕای ناڕه‌زایه‌تیی به به‌ڕێوه‌نه‌چوونی ئه‌م گه‌ڵاڵه‌یه، له‌ئاست له‌خواره‌وه‌بوونی ڕێژه‌ی حه‌قده‌سته‌كانیان له‌ئاست سه‌رجه‌م كرێكارانی شیركه‌ته‌كانی دیكه له‌م ناوچه‌یه، ناڕازیین. شایانی باسه، كرێكارانی ناڕازیی له‌ڕێگه‌ی وتنه‌وه‌ی چه‌ندین درووشم، خوازیاری ده‌ست له‌كار كێشانه‌وه‌ی به‌ڕێوه‌به‌ری گشتی ئه‌م سازمانه بوون.