ڕاپۆرته‌كان باس له‌وه ده‌كه‌ن كه ڕۆژی دووشەممە ٢٤ی سەرماوەز، “ئەفسانە عەزیمزادە” چالاکی مافی منداڵان، لە کاتی سەردان بۆ نه‌خۆشخانه‌ی میلادی تاران لە لایەن هێزە ئەمنییەکانەوە دەستبەسەر و بۆ شوێنێکی نادیار گواستراوه‌ته‌وه.
بە پێی ئه‌م ڕاپۆرته، ناوبراو لە بەر نەخۆشی دایکی سەردانی نه‌خۆشخانه‌ی کردووە و هێزە ئەمنییەکان دوای دەستبەسەر کردنی ناوبراو، ماڵی خۆی و دایکییان پشکێنیوه و هەندێک کەلووپەلی شەخسییان لەگەڵ خۆیان بردووە. شایانی باسە، “ئەفسانە عەزیمزادە” دامەزرێنەری ئەنجۆمەنی داکۆکیکار لە مافی منداڵانی کار لە ساڵی ١٣٨٢ی هەتاوییە و زیاتر لە ١٥ ساڵە لەم بوارەدا چالاکی دەکات. جێگه‌ی ئاماژه‌یه، هەتا بڵاو بوونەوە ئەم هەواڵە هیچ زانیارییەک سەبارەت بە هۆکاری دەستبەسەر كردنی ناوبراو و هەروەها شوێنی ڕاگیرانی لە بەردەستدا نییە.