ڕاپۆرته‌كان باس له‌وه ده‌كه‌ن كه حکومەتی توركییه رایگەیاندووه، بەهۆی بەرزبوونەوەی ژمارەی توشبووانی کۆرۆنا لەو وڵاتە و تۆمارکردنی ٣٢ هه‌زار و ٧٣٦ كه‌س له ڕۆژێكدا، کۆتاییەکانی ئه‌م حه‌فته‌ی قەدەغەی هاتوچۆی سه‌رتاسه‌ری جێبەجێ بکرێت و رێکارەکانیش چڕتربکرێنەوە.
به پێی ئه‌م ڕاپۆرته، دوای راگەیاندنی بڕیاری قەدەغەی هاتوچۆی سه‌رتاسه‌ری له لایه‌ن ده‌وڵه‌ت، دەزگاکانی راگەیاندنی توركییه وێنەی شەقامەکانی ئیستانبۆل، ئانكاڕا و ئێزمیریان بڵاوکردەوە کە هاتوچۆکردن بەشێوەیەکی تەواو تێیاندا وەستاوە. بەگوێرەی ئامارەکانی حکومەتی توركییه، ته‌نیا له رۆژی هەینی، ٣٢ هه‌زار و ٧٣٦ توشبووی نوێی کۆرۆنا تۆمارکراون، ئەوەش بەرزترین رێژەی توشبوونە لە شەش مانگی رابردوودا.